Петар Печков

Објавено: понеделник, 31 октомври 2016 706 324

Нов пораз за ракометарите на ГРК Борец, овој пат од екипата на Прилеп 2010. На гостувањето во Прилеп, велешани загубија со 33:30, полувреме 16:13. Домаќините биле постојано во водство во сите 60 минути, го контролирале резултатот и на крајот стигнаа до нови три бода за четврто место на табелата. Андоновски кај ГРК Борец постигнал 9 гола.  Велешани остануваат во долниот дел, осми со пет бодови. Во следното коло на 12 ноември ГРК Борец а го пречекува тимот на Пролет 62 од Скопје кој е седми но има 13 бода.

Како нов ракометар, засилување  во матичниот клуб се врати Дарко Димитриевски, кој имаше и интернационална кариера а повремено беше  и на поширокиот список на репрезентативци. Тој  игра на позицијата среден и лев бек, а на средбата во Прилеп постигна шест гола.  

По двонеделна пауза поради репрезентативно обврски, продолжи првенството во Првата женска фудбалска лига. Екипата на Борец во Дојран загуби со високи 6:1 од Истатов, кој го дели првото место од табелата.  По ова петто коло ЖФК Борец е четврти  со шест бодови. Во следното коло, повторно гостување и тоа повторно на лидерот на табелата  Драгон од Битола.  

 Од следниот викенд започнува и одбојкарското  првенство, каде по неколку годишна пауза се враќа велешки ГОК Борец. И тоа во дерби против првакот  Шутова.