Петар Печков

Објавено: недела, 18 септември 2011 789 383

Очекувана  победа за велешани од стартот на Супер лигата, во натпревар во кој постојано беа во водство. Стартот беше  фуриозен за домаќините кои во  десеттата минута поведоа со 6:1, за во финишот битолчани се заканат и намалат на 11:10 -29 минута. Второто полувреме Борец почна силовито и полека создаваше разлика,   го кршеше  отпорот на  ракометарите на Битола - 43 минута 22:15.

Решавачката предност велешани ја создадоа благодарејќи на одличните одбрани на голманот Кирил Колев,  кој  во овој период одбрани два седмерци и пет топки, што беше доволно неговите соиграчи во контра да бидат прецизни и ја создадат најголемата предност, која ја одржуваа до крајот на натпреварот.

Ваквиот развој на играта, овозможи тренерот Чакарески да им даде шанса на двајца јуниори  Мачавелов и Костески да одиграат и покажат дел од нивниот талент.  Кај Борец Шалевски со 6,  Димитриевски и Лазов со по 5 беа креаторите на победата, додека Унчевски со 8 и Бојчевски со 6  гола, го понесоа товарот кај гостинската екипа.

Седмерци:  Борец 2/2  Битола 1/3   исклучувања Борец  16 минути   Битола  12  сала Гемиџии гледачи 200