Петар Печков

Објавено: среда, 19 април 2023 6228 54

 Општина Велес го распиша тендерот со кој се бара изведувач на уредување на центарот на градот.  Со него се предвидува  изградба на кружен тек 1, изградба на кружен тек 2, реконструкција на централна улица 8 Септември и изградба на уличен систем и атмосферска канализација,  инсталација и поставување на енергетско ефикасно улично осветлување. Вредноста на овој проект е околу 750 илјади евра. Крајниот рок за доставување на понудите е 19 мај годинаа, до  16 часот.
 

Со овој проект предвидено е улицата 8 Септември од Сармаале до споменикот Коњаник да биде затворена за сообраќај,  улицата Архиепископ Михаил да биде еднонасочна а улицата Гоце Делчев да биде двонасочна, да се гради кружен тек  на крстосница 8 септември,  ул. Архиепископ Михаил и ул. Гоце Делчев, како и обнова на постојниот  кружени тек во центарот.   

Тендерот се објавува во рамки на Проект „Паметни решенија Велес – продолжуваме“ според договорот со ИПА  склучен во 2021 година,  помеѓу Општина Велес, како водечки апликант во проектот, СЕГ Холдинг како партнер и Европската Комисија во рамки на Програмата ИПА 2020 – “Програма за поддршка на општините”.

Со средства од ЕУ се уредува „Европската куќа“ во зградата на киното, се преуредува поранешната народна кујна, во хаб за млади, треба да почне да се гради кејот на реката Вардар и да се откочи преоктот за изградба на пречистителна станица и колекторски систем за отпадните води од Велес, вреден 24 милиони евра.