Петар Печков
Објавено: петок, 22 ноември 2019
Општина Велес го распиша конкурсот за стипендирање на талентирани ученици и студенти за учебната 2019/2020 година. Се доделуваат 10 стипендии на талентирани ученици од III-IV година во средно образование, стипендијата е во висина од 1.500 денари месечно , а се исплатува за девет месеци во годината. Исто така се доделуваат 10 стипендии на талентирани студенти со завршена најмалку една година од студиите во високото образование, стипендијата е во висина од 2.000 денари месечно , а се исплатува девет месеци во годината.
Право на стипендија имаат кандидатите кои учат и студираат во училиштата и факултетите во Република Северна Македонија, да се жители на Општина Велес, ученици од средно образование да се со континуиран одличен успех, а студенти со просечен успех од 9.00 и над 9.00. Рокот за поднесување на документите е до 3-ти декември годинава.
| Tweet |
