Петар Печков

Објавено: вторник, 26 февруари 2019 929 236

Проектот за опремување на Регионален младински бизнис иновативен центар во Велес доби најмогу гласови на третатa форумска сесија со тоа е најлиску да биде финансиран од Швајцарската агенција за развој со 123,7 илјади швајцарски франци.

На второто и третото место според гласовите на учесниците, членови на граѓански здруженија и претставници на локалните власти се најдоа  изградба  на скејт парк со велосипедски и пешачки патеки во Општина Демир Капија и Општина Чашка до изворите на реката Бабуна и трето рангираниот е за реставрација на владетелска палата од четвртиот век п.н.е. на локалитетот Била Зора кај Свети Николе.

Проектот кој доби најмногу гласови  предвидува опремување на неколку простории во веќе изграден објект во сегашната библиотека во Велес, односно опремување на мултинаменска сала, канцеларии за креативни индустрии. Марко Колев директор на Центарот за развој на Вардарски плански регион ја појасни натамошната постапка. 

Проектите ќе се разгледуваат на седница на Вардарски плански регион, со тоа што не може ништо да се менува во одлуките на Форумот на заедницата. Трите концепти  потоа се испраќаат до заедничка комисија на Швајцарската агенција за развој и  Министерството за локална самоуправа која  ќе ги разгледа трите проекти. И ќе одлучува според редоследот како се избрани. Проектот кој ќе мине, еден од нив, ќе биде финансиран  за изведба во наредните шест месеци,  најдоцна до ноември годинава- изјави  Колев.