Петар Печков

Објавено: среда, 25 декември 2019 943 214

Претпладнево реката Вардар, на течението низ центарот на Велес, беше порибена со 200 кг крап.  Ова е редовна годишна обврска на Здружението на спортски риболовци ,, Бабуна,, од Велес, согласно договорот за концесија, потпишан со Министерството за земјоделие и водостопанство. 

Подмладокот на рибата е обезбеден од репро-центарот ,,Акватика,, од Неготино. Од здружението објаснуваат дека ова го прават за да се збогати рибниот фонд во реката, која низ Велес е надвор од категоризирана категорија на загаденост. 

Оваа обврска ни е согласно договорот потпишан со Министерството, и тие побараа еднаш годишно ревирот на река Вардар, каде е под наша концесија, да се порибува.  Ова порибување го извршивме по барање на надлежните - кажа  Мартин Павлов -претседател на Здружението на спортски риболовци ,, Бабуна,, од Велес. 

Тој објасни дека за зачувување на рибниот фонд, освен професионалните рибочувари, годинава биле ангажирани и волонтери.  Од надлежната Инспекција, годинава од велешко биле поднесени десет кривични пријави за исто толку лица, поради риболов со забранети средства или во период на мрестот.