Петар Печков

Објавено: петок, 18 март 2022 355 71

Во велешко драстично се намали бројот на активни случаи со ковид-19. Изминатите 24 часа има регистрирано по четири   нови случаи,  а 13  се оздравени пациенти. Активни случаи во велешко има 48 лица. Починати лица нема.
 
Во двете ковид одделенија од велешка Болница згрижени  се  девет  пациенти,  еден повеќе од  вчера. Hа Инфективно  се хоспитализирани пет  а на Интерно се четворица пациенти. Како и вчера така и денес, ново примен е еден а нема   испишани.

„Потврдено позитивни се тројца, непотврдени нема и шестмина  се негативни, но со потреба од болнички третман. На кислородна поддршка се пет  пациенти“ - кажа д-р Елена Левкова Ќулумова, портпарол на Општа Болница Велес.