Петар Печков

Објавено: петок, 01 септември 2017 1180 264

Велешани се сведоци дека кејот на реката вардар, околу Мало мовче се уништува. На одделни делови фалат парчиња мермер. Тоа е града слика з луѓето кои тука седнуваат да одморат или се на минување. 

Две , три години е  ваквата ситуација. Недостигаат цели парчиња од мермерот. Дали просторот не се одржува, дали се кршат, дали некој го краде, но факт е дека  треба да се преземе нешто, просторот да се санира – велат велешани кои тука го користат дел од слободното  време.

Од локалната власт го евидентирале овој проблем и планираат да го решаваат  следната година.

Со програмата за работа   на Советот на Општина Велес за 2018-та ќе бидат предвидени средства за обнова на кејот. Да бидеме  јасни, не се уништуваат туку се крадат мермерните плочи. Иако се тешки 30 -40 кг. некој  ги краде. Сакавме да поставиме видео надзор за да оневозможиме кражби,  да откриеме кој краде, но бидејќи е јавен простор не смее да се снима.  Пријавивме и во полиција, но нема резултат. Останува до година да го реконструираме – изјави градоначалникот Славчо Чадиев. 

Кејот е завршен со градба 2002-та година.  Во должина е од стотина метри. Иако имаше најави дека треба да  се продолжи со негово градење со Стар мост, тоа локалните власти досега не го сториле.