Петар Печков

Објавено: понеделник, 28 септември 2026 416 2

Продолжува судскиот процес за убиството на велешанецот  Ѓело Ѓошев, за кое дело е обвинет велешанeцот Димче Цветков. На денешното рочиште во Основен суд Велес се гледаа фотографии и видеа предлог на обвинителството, а во однос на нивната теорија за движењетo на обвинетиот критичниот ден 5 ноември 2025  година  коgа е случено убиството. 

Сите снимки беа во терминот од 9,30 до 11 часот на повеќе локации во Велес. Меѓу нив и последната кога на улицата која води кон населба Превалец, кај гаражите на ЈКП Дервен е регистрано возилото на Цветков, пежо со велешки регистaрски таблички. Обвинетиот потврди дека на тие снимки е тој, заедно со сега починатиот Ѓело. Подоцна откако го минал тунелот  за влез во Чашка, завртел лево  по патот кој води за Ново село и Крива Круша и потоа го симнал од возилото, а  Димче си заминал. 

И покрај барањата на судијата Шефшет Адеми да биде донесен сведокот на обвинителството Љутви, кој живее во Скопје, тој не се појавува, ниту пак полицијата одговара на прашањата  каде е лицето и зошто не е достапно. Љутви е сведок кому според обвинението, Цветков му должел пари  кој  му ги вратил попладнето по убиството на Ѓошев. Тој пред да биде застрелан  при себе имал 100.000 денари и 1.500 евра.

Цветков (44 год) претходно Ферди Амедов, не го признава делото.  Според обвинението, Цветков го земал со автомобил сега убиениот, се упатиле кон Чашка и кај местото викано Поројница, со  еден истрел во тилот го убил Ѓошев и го скрил во блиската грмушка прекривајќи го со таму пронајдена јамболија. Делото го сторил од користољубие.  Судењето продолжува со нови видео снимки, предлог на обвинителството.