Петар Печков

Објавено: четврток, 21 септември 2023 967 44

Извршени се истражувања за тоа каде може да се ноѓаат некрополите од античката населба на локалитетот Видин Град, близу селото Водоврати- Градско. За таа цел минатата седмица биле  изведени геофизичко скенирање на просторот каде се претпоставува дека се наоѓаат некрополите. 

Истражувањата ги извршиле , д-р Дамјан Донев од Институтот за Национална Историја во соработка со м-р Радомир Ивановиќ и Мартин Гиевски од Археолошкиот Музеј на Македонија и д-р Анита Василкова од Народниот Музеј – Велес.

Со ова истражување се надополнуваат сознанијата за топографијата на оваа античка населба собрани во текот на последната деценија. Проектот е подржан од Министерството за Култура во рамки на програмата за поддршка на проекти од национален интерес во културата за 2023 година.

Локалитетот Видин Град, близу селото Водоврати- Градско е  малку познат антички центар идентификуван е со градот Аргос во Пајонија. Според најновите сознанија, градот постоел од почетоци до самиот крај на антиката, подоцна епископски центар во провинцијата Македонија Секунда.

Откриени се одбранбениот ѕид со главните градски порти, градското средиште со ранохристијанска базилика и неколку јавни градби со непозната намена, како и дел од градските некрополи. Пронајден е и дел од градска улица на западната, највисока тераса, што претставува драгоцен податок за просторниот план на населбата.