Петар Печков

Објавено: понеделник, 23 јануари 2023 3595 29

Како што најавија од полицијата, попладнево излегоа со информација за настаноt од синоќа, кој се случи во село Богомила и остави непознати за случувањето. Има и уапсено лице, со што се потврдени пишувањата на ТрМр. 

„На 23. јануари  во 00.20 часот во село Богомила, општина Чашка, полициски службеници од СВР Велес го лишиле од слобода И.Т.(20 год ) од с.Богомила. На 22.01.2023 околу 20.30 часот во село Богомила настанала физичка пресметка помеѓу него и Р.С.(62 год ) од село Богомила, по што го напуштил местото, а за кратко време Р.С. бил пронајден починат. Смрт констатирал лекар од Итна медицинска помош, а увид на местото извршил Јавен обвинител од ОЈО Велес и екипа од СВР Велес“ - соппштија од МВР.

По наредба на Јавен обвинител телото на починатиот било дадено на обдукција. И.Г. бил задржан во полициска станица  Велес и по целосно документирање на случајот ќе следи соодветен поднесок, додаваат од полиција.