Петар Печков

Објавено: среда, 09 август 2023 727 35

Со завршната свеченост и изложба на рачните изработки од децата учесници на летните школи за ткаење, за накит и за грнчарство, заврши  проектот „Етно креативни работилници за заживување на старите занаети”.

Работилниците беа намените за учениците од општинските основни училишта, како и сите други лица кои имаа желба и интерес во соодветната област.

Во Спомен-куќата на поетот Кочо Рацин се одржуваше работилницата за грнчарство,  во куќата на Касапови, работилниците за ткаење и изработка на накит.

фото Општина Велес

Учесниците работеа две седмици, или десет работни дена. Дополнително, во текот на месец септември ќе се одржат уште две работилници за столарство и копаничарство.

Организатори беа НВО „Разбој” – Велес во партнерство со Здружение на финансиски работници.