Петар Печков

Објавено: петок, 01 септември 2023 1317 48

Започнаа градежните работи со кој централното  градско подрачје на Велес, добива   одвод на атмосферските и дождовни води, кои се слеваат  од високите реони на градот.

„Со овој зафат ќе реши повеќедеценискиот проблем со поплавување на централните градски улици од  поројниот  дожд. Се гради подземна одводна мрежа со цевки Ф-800, од мостот Гемиџии до Сармаале“ - кажа градоначалникот Марко Колев.

Изведувач на градежните работите е „Делта пром“ а рок на изведба до крајот на годината.
Овој зафат е дел од поголема градежна активност, финансирана од ЕУ уредување на центарот на градот.

Меѓу другото беше и асфалтирањето на улица Архиепископ Михаил, која кога ќе завршат сите работи треба да биде еднонасочна. Исто така треба да се изгради кружен тек на Сармаале, улицата  „8 септември“ од Самраале до Коњаникот да стане  пешачка зона.    

Градоначалникот Колев нагласи дека промената на канализационата мрежа пред една и пол година што се случи на улицата над мостот Гемиџии била со друг проект и затоа се а повторно се раскопува.