Петар Печков

Објавено: четврток, 18 април 2019 844 230

Од почетокот на месец април Општина Велес започна со расчистување на локации кои долги години беа користени од страна на правни лица и трговци. Локалната власт  смета дека јавните површини припаѓаат на граѓаните и затоа се одлучи да изврши генерално расчистување на јавните површини, започнувајќи од централното градско подрачје и главните сообраќајници.

Поединци за свои потреби, а без одобрение  користеа  јавна површина.

Ова се случува  на ул. „Благој Ѓорев“ на јавните површини кои ги користат угостителските објекти каде беше затекнат покриен простор за вентилација на подземни гаражи, заварени метални елементи на огради, поставени огради, платформи и друг вид на опрема, спроведени електрични кабли на јавните површини, заробени дрвја со тенди - велат од локалната власт.

Во договор со корисниците на јавните површини расчистувањето е извршено без проблеми. Активностите и во претстојниот период ќе продолжат со цел урбаните површини да бидат уредени и пристапни за сите жителите на Велес.