Петар Печков

Објавено: четврток, 09 јануари 2020 621 148

И по 20 дена од пожарот во кој изгоре куќата на Паунови во месноста Варналиите, не е познат идентитетот на лицето, чии остатоци беа пројадени во изгорената  куќа. Ниту се познати причините како дојде до пожарот. Ова се информациите до кој дојде Трмр а по поставените прашања до ОЈО Велес.

Остатоците се предадени во Институтот за судска медицина каде треба да се изврши споредба на ДНК профил на починатото лице со цел утврдување на идентитетот. Воедно, во тек се вештачењата наредени од надлежниот јавен обвинител од Основното јавно обвинителство Велес од кои се очекува одговор на прашањето за причините за настанатиот пожар - пишува во писмениот одговор.  

Соседите ден по пожарот за некои медиуми изјавија дека вечерта пред тој да избувне слушнале караница  и расправија на сопственикот Миле, но не знаат  кои биле другите лица. 

Пожарот се случи на 20-ти декември во вечерните часови. Од огнот и неговото гаснење уништена е куќата на семејството Маневи, лепенка до таа на Паунови.