Петар Печков
Објавено: четврток, 25 септември 2014
Анализите на Мој термин покажуваат дека од близу 15.500 прегледи во земјава на компјутерска томографија 41 процент биле без наод .Најмногу негативни наоди имаат Клиничката болница во Штип и Велешката болница.
Според податоците по здравствени установи, процентуално каде не се пронајдени наоди од испитувањата по компјутерска томографија, на прво место е болницата во Штип со 60 проценти и општата болница во Велес со 54 отсто
Поради ваквата состојба, Министерството за здравство ќе подготви кратка брошура во која концизно ќе бидат наведени сите упатства и протоколи согласно медицината базирана на докази. Брошурата ќе биде доставена до сите доктори специјалисти кои можат да упатуваат на компјутерска томографија и магнетна резонанса, истакна Тодоров.
Тој појасни дека докторот, кој што упатил пациенти на компјутерска томографија или магнетна резонанса и кај кого над 20 проценти од наодите се негативни, ќе биде упатен на дополнителна обука. Министерството за здравство ќе ги информира и директорите на здравствените установи за тоа кој специјалист непотребно праќа пациенти на такви снимања.
| Tweet |
