Петар Печков

Објавено: понеделник, 19 април 2010 1120 345

 Малтретирање започнало од почетокот на годинава  кога Д.Ј почнал да ја навредува и физички ја напаѓа сопругата К.Ј (21 год), упатувајќи и притоа закани дека ќе ја убие и ќе и го уништи животот.  По една семејна кавга истиот ја удирал со клоци по телото и главата во ѕид, ја заклучил влезната врата за оштетената да не може да избега, и го скршил телефонот и продолжил физички да ја малтретира. Сопругата се обидела да избега преку прозорот но пријавениот ја фатил и почнал да ја дави по вратот. По извесно време К.Ј. успеала да најде клуч, отклучила и избегала кај соседите од каде што повикала полиција.

По настанот оштетената го напуштила домот и отишла да живее кај нејзини роднини. По интервенција на Центар за социјални работи Велес детето е дадено на мајката, но пријавениот продолжил со навреди кон сопругата, заканувајќи и се дека ќе  ја нападне а детето ќе остане без родители. Поради силните закани оштетената долго време се плашела  малтретирањето да го пријави во полиција поради страв од последиците и реакцијата, кога ќе биде повикан во полиција и во суд, при што сметала дека ќе биде загрозен нејзиниот живот.

Но не можејќи  повеќе да ги издржи притисокот собрала храброст и случајот го пријавила во СВР Велес, кој му поднесе кривична пријава за телесна повреда.