Петар Печков

Објавено: петок, 03 септември 2021 2091 105

Партијата Бошњачки Демократски Сојуз, денес на прес конференција објави дека ќе имаат свој кандидат за градоначалник ан Велес. Тоа е младиот Семир Алимов, роден 26.01.1990, жител на Горно Оризари, приватен стопанственик - Електротехничар за електроника и телекомуникации.
На прес конференција, претседателот  на партијата Мунир Колашинац,  најави дека ова е прво самостојно делување на Бошњачки демократски сојуз на некои избори.

„Нашата цел е да прикажеме планови, цели и реализација на истите, да не бидеме во редот на оние кои ветуваат, а не остваруваат. На овие избори ќе настапиме поинаку, ќе настапиме визионерски“ - кажа Колашинац.

Ова е четврти најавен кандидат за градоначалник на Велес, по тие , редоследно  како беа најавувани, Марко Колев - ВМРО-ДПМНЕ, Ненад Коциќ - СДСМ и Златко Арсов- Левица. Останува уште дилемата дали коалицијата ЛДП-ДОМ ќе има свој кандидат за градоначалник на Велес.