Петар Печков

Објавено: четврток, 24 декември 2015 2165 286

Во вторникот наутро се случени повеќе обиди за насилно влегување во исто толку објекти во градот. Од СВР Велес информираа дека кај нив се  пријавени  три случаја- оштетување на објекти.  

Во 04.30 час.од страна на 52-годишен жител на Велес пријавено е дека во продавница „Афродита 2“ лоцирана на улица „Петре Прличко“скршено е стаклото од влезната врата на продавницата.

Во вториот случај, 52- годишен жител на Велес пријавил дека е извршено оштетување на влезната врата од сендвичара „Цаца С“ лоцирана на улица „Кресненско востание“.

Во третиот случај, 58-годишен жител на Велес пријавил дека  извршено е оштетување на алуминиумска врата од сендвичара „Ројал Бургер“ лоцирана на улица „Страшо Пинџур“.

Во сите три случаја  СВР Велес излегол  на лице место и превземаат мерки за расветлување на настаните.