Петар Печков

Објавено: понеделник, 09 ноември 2009 1589 378

Децата од Градинката „Димче Мирчев“ од Велес ја добија првата спортска сала во Македонија наменета за предшколска возраст. Таа беше отворена по повод Денот на општината 9-ти Номеври. На двеста метри квадратни стотина деца од клон 4 како и 250 од возрасната група од останатите градинки, од подрачјето на Велес ќе можат секојдневно да спортуваат кошарка, фудбал и гимнастика.

- Со оваа сала покажуваме дека ги следиме потребите на децата од најмала возраст и испраќаме порака дека се трудиме да се приближиме во нивниот свет. Наместо да седат дома и играат видео игри, гледаат телевизија, сакаме од оваа возраст да им ја вгариме љубовта кон спортувањето. Наша цел е среќни и безгрижни деца, со здрав дух, деца кои ќе се соочат со предизвиците во животот – изјави Татјана Ѓоргиевска Лазаревски директорка на Детските градинки во Велес.