Петар Печков
Објавено: четврток, 16 мај 2024
Две победи и два порази е билансот на пингпонгарите на ППК Борец ТИМ во последните четири кола, кои се одржаа изминатиот викенд. Велешани во Првата лига славеа над Берово 2 со 1:4 и Дебар Маало со 4:2 , кои беа 5-ти и 7-ми од 8 екипи.
Загубија од составот на Рисови кои се трети со 4:2 и од првакот Астраион од Струмица со тесно 4:3 а лесно можеше да се случи првакот да загуби. Во тесен и израмнет натпревар, струмичани на крајот се радуваа.
Со овие четири кола, кои се играа по две во сабота и две неделата,заврши првенството на Првата лига а составот на ППК Борец ТИМ го освои одличното 4 место од 10 екипи, при тоа две се откажаа во текот на настапите, за табелата да е со осум екипи. Во билансот имаат 8 победи и 6 порази и 22 бода.
| Tweet |
