Петар Печков

Објавено: недела, 18 февруари 2018 4131 249

Често постарите велешани, во разговорот го употребуваат изразот „со на Пеша пајтонот“. Што авторот сакал да каже, што мислел. За ова, во интервју со актерот Петре Прличко, кој во разговорот  пред  три децении, неколку пати го употреби овој  израз, за подоцна и да го објасни.    

На времето, поимотните велешани се возеа со пајтони низ градот. Каде што имаа потреба земи пајтонот и вози се. Паркиралиштето им беше кај Стара аптека кај Градскиот саат. Ама не можел секој да си дозволи да се вози со пајтон, па затоа кога ќе решеле да си одат, велеле „ајде со на Пеша пајтонот“, а тоа значело пеш до дома, да не се срамат „да кажат пешки дека си одат“. Пеша било пешки одење, објасни Прличко.