Петар Печков

Објавено: понеделник, 10 февруари 2014 1125 311

По повеќегодишни проблеми  со водоснабдувањето за жителите на Караслари  е тоа е решено. Изградена е и предадена на користење новата трафостаница. 

Жителите од ова село, неколку години наназад во лето имаа недостаток од вода, оти имаа проблем со   електро напојувањето на системот за вода, кој беше поврзан со трафостаницата која го снабдува мотелот Македонија и беше приватна сопственост.  

Локалната самоуправа вложи осумстотини илјади  денари за изградбата на новата трафостаница во населеното место Караслари, која го снабдува со струја водоснабдителниот систем во селото.

Трафостаницата која е сопственост на локалната самоуправа, изградена е за да врши напојување на пумпите за вода, но при изградбата на трафостаницата водено е сметка и за идните потреби од снабдување со вода. Проектирана е за покренување на пумпи за вода за двојно и тројно поголема литража од моменталната и може да снабдува  четири илјади лица  – изјави градоначалникот Славчо Чадиев.

Новата трафостаница е со напојување од 50 киловат-ампери а истата ќе испумпува 10 литри вода во секунда. Оваа количина е сосем доволна за да ги задоволи потребите како на населеното место Караслари така и на новоформираната индустриска зона во оваа област. Останатиот проток на вода ќе биде располагање за следните индустриски објекти и викенд куќи коишто ќе се градат.

Чадиев  најави дека во тек се постапките за уредување  на инфраструктурата  на индустриската зона Караслари. Се изработувале идејните проекти за канализација и за патишта, по што ќе започнала изработката. Ова за да може  во март  месец, кога инвеститорот најави започнување на изградбата на фабриката Маркард, сите инфраструктурни работи за бидат готови, завршени .