Петар Печков

Објавено: среда, 25 јануари 2023 190 39

На Велес му се потребни повеќе мерни станици за мерење на квалитетот на амбиенталниот воздух. Ова беше кажано на денешната еколошка трибина за животната средина.

Ако Велес , кој до пред 20 години беше индустриски центар и имаше пет мерни станици, денес има само една, кај Детската градинка во населба Тунел.

Таа го покрива новиот дел од градот, додека стариот, каде повеќето од домаќинствата користат како енергенс огревно дрво, нема мерна станица.

До 2005-та имаше во Бирото за вработување, но таа е отстранета пред две децении.

„Како локална власт апелираме до Министерството за животна средина да поставаат уште две мерни станици, за да може да биде покриен градот целосно. Така ќе имаме покриеност за целиот град и жителите ќе знаат какво е квалитетот на воздухот кој го дишат“ - кажа Петре Цилаков, раководител на сектор за животна средина при Општина Велес.

Но оваа забелешка не можеше да ја слушне министерот за животна средина Насер Нуредини, кој беше најавен како учесник, но не дојде во Велес. Трибина беше поддржана од Швајцарската Амбасада во Скопје а организирана од  фондацијата Имапкт нет од Велес.