Петар Печков

Објавено: сабота, 29 септември 2018 1014 219

Со  шампањско на 2,5 илјади метри надморска височина скопјанецот Сали Буранедин, заедно со неговите пријатели го одбележа илјадитото искачување на овој планински врв. По стрмните сртови и кози патеки, педесетина пријатели и поддржувачи на Сали минатата недела го искачија највисокиот врв на планината Јакупица.. Вели дека можеби за некого не е многу, но за него е тоа цел живот посветен на оваа планина. 

Планинарењето ме исполнува, ми два спокој и мир. Заедно со пријателите тука на височините е бескрајно мирно, тивко, како на друг планета во друг свет - вели Сали кој има 67 години и е пензионер а член на ПД .,,Бистра,, од Скопје. 

Работниот век го минал во  Владата, во службата за  општи и заеднички работи.  Помни дека за прв пат на врвот висок 2.540 метри се искачил пред точно 42 години, на 10-ти октомври 1976-та година.  Немал желба да соборува рекорди, туку да се рекреира. За да биде оваа животна приказна уште поинтересна на врвот со него се искачи и неговиот пријател планинар, гостиварчанецот  Гојко Геговски кој има 86 години.   Солунска глава започнал да ја искачува како учесник на маратонот Богомила - Чеплес - Водно. Годинава ја започнал со 954 искачувања за да сам си постави задача есенва да го забележи илјадитото.   Така и се случи на 22 септември.  

Сали Буранедин  се искачил на Мон Блан беше највисок врв  на Европа,  бил и на Килиманџаро (5.895 м)   највисокиот врв на  Африка , како Дамаванд во Иран (5.671 м) и врвот на планината Арарат во Турција (5.137 м). Во неговата листа се наоѓаат и сите високи Балкански врвови Триглав (2.864 м) во Словенија,   Мусала (2.925 м ) и Вихрен (2.914 м) во Бугарија, Олимп во Грција ( 2.918 м) и  секако највисокиот врв во Македонија, Кораб ( 2.764 м ). Заедно со  паланчанецот Стојанче Костовски, за еден месец пеш ја изоделе граничната линија  на Македонија  во должина од  900 километри.