Петар Печков

Објавено: понеделник, 10 октомври 2016 2878 289

Претпладнево  во верижен судир кој се случи близу Велес, повредени се шест патника а   пет автомобили се оштетени. Според МВР сообраќајната незгода се случила  во 9,30 ч. на делницата од  автопат Скопје – Велес, близу наплатната рампа Отовица.

Во сообраќајката која   била на 400 метри пред наплатната рампа учествувале пет  автомобили мазда, мерцедес и  голф со прилепски регистарски таблички и  волво и опел фронтера со кавадаречки таблички.  Има шестмина  повредени патници, кои подоцна била пуштени на домашно лекување – изјавија  од МВР.  

На повредените  прва помош им била укажана   од   докторите   на   велешка итна  помош и со две  возила ги  префрлиле  во Општа Болница Велес, дел згрижени на хирургија дел на ортопедија. Кај еден  повреден  била  регистрирана скрешница  на клучна коска  а другите минале со лесни повреди по што сите се пуштени на домашно лекување.  Во времето кога се случила сообраќајката било врнежливо и патот бил лизгав.