Петар Печков

Објавено: понеделник, 22 септември 2025 904 24

Утрово од  6,25 до 8,20 ч. беше во прекин сообраќајот на регионалниот пат Велес – Градско. Причина е сообраќајка која се случила утрово и полицискиот увид на местото на настанот.

Во сообраќајката учествувале три возила, автомобили марки голф и форд и трактор, без регистарски таблички.Сообраќајката се случила стотина метри после исклучувањето за Ногаевци, во правец на Градско.

„Околу 06:00 часот во СВР Велес било пријавено дека на регионалниот пат Велес-Градско, на 100 метри после село Ногаевци, се случила сообраќајна несреќа во која учествувале патничко возило "голф", патничко возило "форд" и трактор без регистарски ознаки. Во несреќата повредени се возачот на тракторот и сопатник во патничкото возило "голф" и се пренесени во oпшта болница Велес“ - информираа од СВР Велес. 

Повредените со амбулантно возило на Итната помош биле пренесени во велешка болница. 

Во велешка болница биле донесени две повредени лица и според д-р Ванчо Граматов, двете имале лесни телесни повреди.