Петар Печков
Објавено: понеделник, 09 август 2021
Неделата напладне во Росоман се случила сообраќајна незгода, во која еден од учесниците е автомобил - полицско возило. Во сообраќајката со телесни повреди се здобиле двајцата возачи.
„На 8-ми август во 11.15 часот во СВР Велес било пријавено дека на патниот правец Градско – Прилеп, на крстосница од ул.„Маршал Тито“ и „Пролетерска“ во с.Росоман се случила сообраќајна незгода помеѓу патничко возило „шкода јети“, сопственост на ОВР Прилеп и патничко возило „фолксваген пасат“ со велешки регистарски ознаки, управувано од Ц.Б.(45) од с.Уланци, општина Градско“ - соопшти Верољуб Додевски портпарол на СВР Велес.
Во незгодата со телесни повреди се здобиле двајцата возачи, полициска службеничка од возилото „шкода јети“ и сопаникот во возилото „пасат“, И.К.(54) од Виничани. Увид на местото на настанот извршила екипа од СВР Велес.
фото архива
| Tweet |
