Петар Печков

Објавено: петок, 14 февруари 2014 617 265

 Учениците од ОУ  Рајко Жинзифов  од Горно Оризари  започнаа заеднички проект  со нивните врсници од училиште од Фрајбург Германија.

Проектот е насловен ,,Еден ден во семејството,, и започнат е да се реализира од ноември минатата година. Активностите на учениците опфаќаат изработка на новогодишни честитки, цртање на стрип моето семејство и други настани кои се во проектот.  

До соработката е дојдено по престојот на професорката Тања Николова  на семинар во Фрајбург и остварениот контакт со професорката од тамошното училиште  Карен Алст.

Заедничкиот проект завршува овој месец, кога учениците пред нивните родители ќе го покажат сработеното, преку презентација  на се што овие четири месеци учениците од ОУ Рајко  Жинзифов   изработија.