Петар Печков

Објавено: вторник, 21 декември 2021 339 96

Последните три месеци од годинава,  спортската сала при средното стручно општинско училиште “Коле Неделковски“ од Велес,  беше домаќин на општинските и зонски натпревари од  училишниот спорт.  

„Според просторните и техничките условите кои се на високо ниво -загревање на салата, имање на семафор за официјални натпревари, современи реквизити за одбојка и кошарка, гардероби, посебен влез во рамките на протоколите предвидени за пандемијата на ковид-19, во спортската сала при училиштето се организираа општинските натпревари во кошарка и одбојка за машки за средно образование, потоа зонските натпревари во кошарка за основно образование и за   одбојка и кошарка за средно образование“ - кажа Ангелче Гушев предметен професор по физичко воспитување.

Во рамките на овие пет турнири во спортската сала при училиштето спортуваа и се натпреваруваа повеќе од 200 ученици од Велес, Валандово, Богданци, Гевгелија и Дојран.  Победници на зонски првенства организирани во спортската сала на „Коле Неделковски“ се- кошарка основно машки - ОУ Васил Главинов, кошарка средно машки - Гимназија Кочо Рацин, одбојка средно машки - Гимназија Кочо Рацин  а кај девојките за одбојка  е „Коле Неделковски“. Тие натпреварите ги продолжуваат на регионалните, кои се последниот филтер пред завршните републички игри.