Петар Печков

Објавено: понеделник, 28 март 2022 294 94

Со уверлив пораз на домашен терен продолжува лошата серија на одбојкарките на ГОК Борец.  Тие загубија со 0:3 (16: 15:23) oд екипата на ОК  Универзитет Тетово со што шансите за  пласман меѓу првите четири екипи од разигрувањето за титула се никакви. Ова беше натпревар од втората фаза на одбојкарското првенство на шесте најдобри. Велешани остануваат петти.  

Фудбалерките на КФ Борец на гостувањето во Струмица кај ФК Тиверија се високо поразени со 5:1.Аспирантот за титулата, второ пласираната екипа на домаќинот лесно стигна до трите бода.   Следното коло, велешанки играат дома со екипата на ФК Шкеднија и шанса за победа над  9-то пласирана екипа која има 13 бода. Велешанки паднаа на 6-тото место од табелата со  27 бода, но далеку од врвот и најавуваната борба за титула.

Футсал екипата на КМФ Велес победи во Тетово во 17-тото коло од Втората лига против екипата на Универзитет со 2:9 и се зацврсти на врвот. Во следното коло игра дома со екипата на КМФ Мал Ајакс од Штип, ланскиот прволигаш, кој се уште се надева дека може да се врати во елитата и е трет на табелата.

Ракометарите на ГРК Борец ги започнаа натпреварите во плеј аут разигрувањето. дома во салата Гемџиии играа со екипата на РК Македонија ЃП, која како и велешани има најголем ефект во ова  новоформирано друштво, беа прво и второ пласирани на табелата. Гостите беа во водство во финишот, кога на 40 секудни пред крајот  РК Борец поведе со 25:24. На истекот на времето домаќините направија прекршок и од 10 метри со удар преку поставениот ѕид, скопјани постигнаа гол за израмнување 25:25 и по бод са двете екипи.    И следното коло вистинско дерби, гостуваат во Струмица кај  соседот на табелата второпласираната РК Астраион Хендбал.

Неверојатната победничка серија на КК Борец баскет, девет од десет, продолжи во Струга. Победија против екипата на КК Црн Дрим, која е во долниот дел од табелата со 90:104.Ова беше натпревар од 18-тото коло, после кое велешани го делата 4-тото место со екипата на КК Баскет кам.  Во следното коло во Велес доаѓа екипата на КК Шкупи од Скопје, која е шесто пласирана и сосед на табелата .

Во Третата фудбалска лига Југ, во Превалец домаќинот ја прекина победничка серија. По петте последователни победи, во 7-то коли  одиграа нерешено 1:1 со екипа на ФК Питу Гули од Крушево, која беше петто пласирана.  Домашните израмнија во финишот во 82-рата минута и така спасија бод. Но и натаму се на врвот со 16 бода.