Петар Печков
Објавено: среда, 20 февруари 2013
Средношколец од Велес го доби судскиот процес откако го тужеше средното медицинско училиште „Јане Сандански“ за бесплатниот превоз. Основниот суд во Штип донел пресуда во корист на ученикот, кој од училиштето барал околу 90.000 денари, да му се исплатат за надомест превоз од неговиот дом до школото.
Образложението е дека ученикот превозот кој требало да го користи не го користел од практични причини, не можел да стигне за тој термин за превозникот кој бил одреден, туку друг за кој морал да плаќа. Ова е прв судски процес против едно училиште за бесплатниот превоз. Во средното медицинско училиште во Штип околу 400 ученици ги користат поволностите од бесплатниот превоз.
Општина Штип и средните регионални училишта имаат големи финансиски обврски за бесплатниот превоз за учениците кои доаѓаат од соседните градови, и се жалат дека токму општините од каде што доаѓаат овие ученици, немаат никаква финансиска обврска кон нив. Финансискиот товар е само на Општина Штип.
| Tweet |
