Петар Печков
Објавено: петок, 26 септември 2014
Во неделата вечер во Велес 21,40 ч на ул.„Кирил Пејчиновиќ“, во куќата во која живеат С.А. и неговата невенчана сопруга Н.К., од страна на Б.И.(45) и неговиот син И.И. (20) извршено е насилство , информираше велешката полиција.
Имено, И.И. го скршил стаклото од влезната врата, влегле со татко му во куќата, по што И.И го фатил С.А. и го турнал на подот. По ова двајцата го нападнале удирајќи го со тупаници и клоци по телото.
Од страна на полициски службеници, Б.И. е приведен во Полициска Станица - Велес и над истиот е извршено алкотестирање, при што е утврдено присуство на алкохол во крвта од 3,40 промили, а И.И. е повикан во СВР- Велес. По целосно расчистување и документирање на случајот, ќе биде поднесена соодветна пријава.
| Tweet |
