Петар Печков

Објавено: среда, 02 февруари 2022 816 74

Трет ден по ред во велешко има повеќе оздравени отколку ново заразени со ковид-19.  Изминатите 24 часа оздравени се 62 лица, нови  регистрирано случаи се 41. По ова бројката на активни случаи во велешко падна на 290  лица. Починати од последиците на корона вирусот во велешко нема.

Вкупно хоспитализирани во трите  ковид одделенија од велешка Болница  се 62 пациенти, еден   помалку   од вчера. Hа Инфективно  се згрижени 45, на Интерно 11  и на Физикалното шестмина. Потврдено позитивни се 45, непотврдени  се пет  и 12  се негативни, но со потреба од болничка нега.

„Ново примени се двајца , а испишани се 12 пациенти со  еден негативен тест. На кислородна поддршка се 22 пациенти“ - кажа д-р Елена Левкова Ќулумова, портпарол нa Општа Болница Велес.

На Инфективно одделение има 15 слободни кревети а згрижени се 45 пациетни , на Интерно 11 и на Физикално шест.