Петар Печков

Објавено: среда, 03 август 2022 260 42

Продолжуваат активностите на Општинската организација на Црвен крст Велес, за превенција на дијабетес.  Во просториите на Здружението на пензионери во Велес се одржа третата работилница за превенција на дијабетес , во рамки на проектот „Здраво стареење“.

„Целта е лицата од трето доба најпрво преку презентација и предавање од лекар да се информираат за дијабетесот, да ја запознаат болеста подобро, нејзините симптоми, последици и превенција, а потоа и практично да се делува доколку има таква потреба. Затоа на работилниците се врши и мерење на нивото на шеќер во крвта и се пополнуваат анкетни прашалници кои најмногу се однесуваат на видот и начинот на исхрана“ - соопшти  д-р Кевица Шопова Клифова претседател на Општинската организација на Црвен крст од Велес, која  ја одржа работилницата.

На истата присуствувале  34 лица на возраст над 60 години. Проектот „Здраво стареење“ се реализира уште во 10 градови низ државата.