Петар Печков

Објавено: четврток, 19 април 2018 1477 213

Јасмин Амедовски (23 год) од Струмица  доби три години затвор за убиство во  обид, кое се случи пред две години во село Пирава - Валандовско.

Тој со нож му нанел убодна рана на велешанецот Стојан Милошевски ( 68 год) кој работел како одговорен на гајби, при берба на грозје. Амедовски го признал делото за кое му се судеше, изразил жалење и каење по што во Основен суд Велес бил прогласен за виновен и му била изречена казната затвор во траење од три години.

Настанот според обвинението се случил на 5-ти октовмри  2016 година околу 12 часот во  месноста викана „Пиравска плантажа“, во камп со монтажни бараки за берба на грозје.  Дошло до  меѓусебна расправија на  Амедовски  и  Милошевски, при што со нож со алуминумска дршка и должина од  24 цм. Јасмин во стомакот го прободел Стојан, го фрлил ножот и побегнал.   

Оштетениот  освен што не се приклучил кон гонење на  обвинетиот, туку побарал од судијката да не го  осудува со затворска казна.