Петар Печков

Објавено: вторник, 12 март 2024 2588 34

Уапсен е жител на Свети Николе, кој во неделата извршил 10 тешки кражби, кога со употреба на сила влегол во продажни објекти. Деталите од информацијата на МВР.

„Полициски службеници од ОВР  Свети Николе при СВР Штип расчистија 10 кривични дела „тешка кражба“ извршени на 10 март  во продажни објекти во Градскиот пазар во Свети Николе од каде биле одземени разни предмети и пари. Поради постоење основи на сомнение дека ги извршил кривичните дела од слобода е лишен В.Б.(41 год) од Свети Николе“ - информираа од МВР.

Тој бил задржан во Полициска станица и во службен разговор ги признал кривичните дела, а поголем дел од одземените предмети биле пронајдени и вратени на оштетените граѓани.

По целосно документирање на случаите, против него, полицијата  ќе  поднесе соодветна кривична пријава.