Петар Печков

Објавено: недела, 29 ноември 2020 2016 133

Кутијата за донации, со која граѓаните оставаа пари за гладните од Велес,  вчера биле украдена од пред гостилницата „Боем„ а истата денес ја нашле празна и фрлена во реката Вардар. Ова го објавија од непрофитната организација „Нула  гладни во Велес„ на нивниот фб профил. Нивната активност е поддржана и од Општинскиот Црвен крст на Велес.

На "чесниот сторител" му посакуваме многу среќа и во здравје да си ги троши парите. Веројатно ќе му ги решат сите проблеми. Исто така му порачуваме дека откако парите ќе се потрошат добредојден е во кујната, доколку е повторно гладен. Ќе му обезбедиме оброк на драго срце - порачаа од  организацијата.

Додаваат дека  нивната  мисија за нула гладни во Велес останува непоколеблива. Првичните шест  месеци истекуваат во месец јануари  следната година  и планираат нови шест  месеци со нови или стари поддржувачи на проектот.   

Кујната која ги снабдува социјално ранливите категории во Велес  преку  непрофитната организација „Нула за  гладот во Велес„  работи од  8-ми јули годинава, секојдневно, обезбедува оброк преку Гостилница „Боем„ за  20-тина лица и во првите  три  месеци  од работата биле дадени  2,6 илјади  оброци на социјално најзагрозените лица.

Преку касата за донации пред Гостилница Боем се обезбедуваа донации од граѓани,  но и лица кои  даруваа и свежи  градинарски  култури. Со финансиски средства како донатори  месечно се јавуваат и неколку мина велешани кои живеат во странство, Ердован Етоски, Трајче Папазовски,  Слободан Гајдов, помагатели се  и Александар Велковски, поранешниот фудбалер Панче Ќумбев и Евангелската црква со пасторот Филип.