Петар Печков
Објавено: вторник, 07 ноември 2023
Утрово патничкиот воз од Битола за Скопје не допатувал во предвиденото време, на железничка во Велес. Наместо во 5,40ч. пристигнал во 13,30 ч по што продолжил за Скопје. Возот доцнел без малку осум часа, бидејќи праговите на дел од пругата кај Прилеп биле опожарени. За ова информираа од Центарот за управување со кризи.
„Вчера интервенирале пожарникарите од ТППЕ Прилеп, гаснеле запалена ниска вегетација и прагови од железничка пруга помеѓу селата Слепче и Браилово“ - соопштија од ЦУК.
Со неговото заминување за Скопје, извесно е дека попладневниот патнички воз од Скопје за Битола ќе тргне, но не е познато со колку минути задоцнување.
Според последните информации возот тргнал во 16ч.
Ова е трет случај последниот месец како поради опожарување на прагови, железничкиот сообраќај од Велес кон Битола и обратно беше во прекин.
Згора на тоа сега од Скопје за Битола и обратно, сообраќа само по еден воз на ден.
| Tweet |
