Петар Печков

Објавено: среда, 12 мај 2021 1478 132

Учениците и професор од Средното училиште „Кочо Рацин“ од Велес, ја примија наградата како  победници на онлајн натпреварот „Имам став". Тој беше организиран од Републичкиот Парламент а наградата им  ја врачи,  претседателот на Собранието Талат Џафери. На натпреварот учествуваа десетина  училишта од земјава. Успехот го остварија 21  ученик а поради протоколите со пандемиајта, на свечениот чин присуствуваа учениците Марко Инѓилизов, Матеа Несторова и Емили Митревска и менторката   професорката Милка Петровски.

„Во своето однесување  младите треба да гледаат подалеку, да го планираат животот и да се вложуваат во тој план, да бидат практични и да ги следат своите желби и својата визија за самите себе. Да го сакаат учењето и работата, затоа што само така, нивните квалитети ќе бидат препознаени“ – порача Џафери при средбата. 

Натпреварот „Имам Став“ преставува симулација на законодавниот процес, законодавната постапка, парламентарната дебата и процес на тоа како еден Предлог станува Закон.

Претседателот Џафери  им го потенцирал значењето на образованието и како тоа треба да ги формира како личности и дека практичното искуство кое го стекнале во оваа пригода, ќе им придонесе многу, затоа што ќе добијат појасна слика за работата на Собранието и законодавните процеси.

Искажувајќи жалење за тоа каков е ефектот на животот во пандемија за младите во последната година, Џафери  изразил и оптимистични гледишта за извесното надминување на оваа состојба, а со тоа и враќање на поголемата слобода на движење на младите луѓе.