Петар Печков

Објавено: вторник, 26 мај 2015 645 302

Учениците од ОУ Блаже Конески уште еднаш докажаа дека имаат високо развиена еколошка свест. Тие денес, 26 мај се вклучија во проектот   ,, Садница +“,во рамките програмата ,,Ден на дрвото“.  

Под раковдство на одговорниот наставник за реализација на еколошка програма Славица Петрова, учениците засадија семки од ела. За нив ќе се грижат три години  а потоа истите ќе бидат засадени во училишниот двор. 

Целта на проектот е кај учениците да се развива еко  кулутрата и еко патриотизмот од најмали нозе, да ја всадиме љубовта и грижата кон зеленилото - изјави наставничката Петрова.  Оваа акција беше спроведена со помош на локалната власт и ЕД Вила Зора од Велес. 

Истата се спроведе во  сите општински основни училишта во Велес и во Детската градинка „Димче Мирчев“ во која учениците извршија посадување на семенски материјал – семе од ела.