Петар Печков

Објавено: недела, 30 април 2023 534 43

Во Втората фудбалска лига екипата на ФК Борец загуби  во 27 коло од  13 пласираниот тим на табелата, ФК Каменица САСА во Македонска Каменица со 4:1 (1:1). Ова е 25 пораз за велешани кои  се последни со само два освоени бода. Во следното коло играат со 6 пласираната екипа на ФК Беса од село Врапчиште.

Во Третата фудбалска лига, победа за ФК Превалец и тоа убедлива со  6:0 (4:0) над  екипата на ФК Питу Гули од Крушево Во соседското дерби на второпласираниот тим- ФК Питу Гули и трето пласираниот ФК Превалец, домаќините убедливи и уверливи, славеа. Во соседското дерби во Неготино лидерот ФК Вардар победи  со високи 8:0 (4:0) над екипата на ФК Локомотива од Градско. По ова коло ФК Превалец останува трет со 38 бода   а ФК Локомотива падна за едно место и е 8 со 24 бода. Во следното, претпоследно коло ФК Локомотива игра дома со ФК Горно Коњари од истоименото прилепско село, кој е 4 на табелата а ФК Превалец гостува на ФК Росоман кој е 5-ти. 

Се одигра и градското дерби во ракомет, второ сезонава, во кое подобри и втора победа забележаа помладиот лигаш РК Бисинов. Неговиот ракометари победија над МРК Борец со 44:13 ( 22:5). На две кола пред крајот РК Бисинов е втор во оваа конкуренција Прва лига борба за опстанок, со 18 бода колку што имаат првите четири екипи, но со натпревар повеќе од конкурентите, додека МРК Борец е последен без освоен бод.