Петар Печков
Објавено: петок, 31 мај 2024
Екипата на ФК Бабуна е победник на Општинскиот фудбалски Куп. Тие во финалето ја совладаа екипата на ФК Форцa нова со 2-0. Со оваа победа екипата нa ФК Бабуна ги продолжува Куп натпреврите во регион, од каде три екипи одат во 1/16 финале на Македонскиот Куп.
Пингпонгарите на ППК Борец ТИМ играа бараж за пласман во Супер лигата. Во баражот за влез/опстанок во Суперлига играа co Вардар од Скопје. Вардар со победа од 4-2 успеа да го задржи местото во Суперлигата и следната сезона. Велешани како четврти во Првата лига стигнаа до овој бараж, но не успеаја да влезат во елитното друштво. Во 90 години од минатиот век, ППК Борец беше член на најдобрата македонска пинг понг лига.
| Tweet |
