Петар Печков

Објавено: понеделник, 07 октомври 2024 320 8

Петти пораз во шестото коло до Супер лигата за ракометарите на РК Бисинов. Тие во Охрид загубија од лидерот на табелата РК Охрид со безмалку двојна рзлика 35:18 (18:8). Во 6 минута резултатот беше 7:1 и уште тогаш се наѕираше дека помладиот велешки ракометен лигаш ќе забележи висок пораз. По ова шесто коло РК Бисинов е претпоследен 11-ти со два бода а во следното коло  игра со уште еден лидер РК Алкалоид, кој како и РК Охрид, нема пораз. 

Во Втората фудбалска лига, ФК Борец во судиското продолжение се спаси од пораз, играјќи 2:2 (1:0) со составот на ФК Скопје. Велешани рано го постигнаа водечкиот гол, во 3 минута преку Османи а во 93 мин. израмни Јордановски. Гостите во седум кола ова им е петто реми. По ова седмо коло ФК Борец е 15 претпоследен со 4 бода. Во следното коло, кое се игра на 19 септември, со пауза поради настапите на репрезентацијата, игра во Гевгелија со ФК Кожуф, кој е петто пласиран со 12 бода. 

Во Третата фудбалска лига Југ се одигра општинското дерби, во Чашка, каде ФК Башкими и ФК Превалец, вториот и третиот на табелата одиграа без голови 0:0. По ова коло и двете екипи паднаа за едно место ФК Башкими е 4-ти а ФК Превалец 5-ти со 9 односно 8 бодови. Во следното шесто  коло во Превалец се игра ново дерби, гостува второ пласираниот тим на табелата, ФК Венец од Долни Дисан. ФК Башкими е слободен. 

Во Втората женска фудбалска лига екипата на ЖФК Борец дома загуби од лидерот ЖФК Кочани со 1:16 (1:10). Велешанки се последни без бод и со  негативна  гол разлика од  -34. Во следното коло играат во Радовиш со екипата на ЖФК Плачковица која има 4 бода и е 5-то пласирана од осум екипи.