Петар Печков

Објавено: среда, 03 декември 2025 212 4

Дисциплинската комисија на Општинската фудбалска лига Велес, ја прифати жалбата на ФК Врановци, за натпреварот со ФК Согле и му ја додели победата со службен резултат од 3:0. Натпреварот не се доиграл откако на полувреме домаќинот ФК Согле водел со 2:1, но гостите, врановчани, констатирале дека по записник во состав е еден фудбалер а на терен друг кај домаќините, најавиле жалба, по што двете екипи се повлекле.  

Со овие три бода, ФК Врановци е есенски првак со ист број бодови како ФК Младост, но со подобра гол разлика. Тренерот Хабиб Максудов успеа да создаде екипа, комбинација од искуство и младост,  со која се надеваат дека ќе бидат  прваци и догодина ќе играат во Третата лига Југ.  Првенство продолжува на пролет и според пласманот се очекуваат возбудливи натпревари.
                              Т  А  Б  Е  Л  А
1.ФК ВРАНОВЦИ             6     5    0    1    19:6     15
2. ФК МЛАДОСТ              6     5    0    1    14:11   15
3. ФК ФОРЦА НОВА         6     4    0    2   20:11    12
4. ФК СОГЛЕ                   6     3    0    3     9:13      9
5. ФК  ЛОКОМОТИВА       6     2    0    4     8:18      6
6. ФК ГОРСКИ                 6     1    0    5     9:14      3
7. ФК РАШТАНИ              6     1    0     5     7:18     3