Петар Печков
Објавено: четврток, 25 март 2021
Во деветтото коло, од втората фаза на одбојкарскиот шампионат, екипата на ГОК Борец загуби во Тетово од ОК Универзитет Тетово со 1:3 ( 20,- 19, 21,18). Велешани се четврти во разигрувањето, без можност за напредок на табелата. Во следното коло ја пречекуваат екипата на ОК Џио Струмица.
Поради снежни врнежи неделното 17-то коло од Третата фудбалска лига Југ се одигра вчера, среда. ФК Локомотива од Градско со победата во Удово, над екипата на ФК Младост, кој е единаесетта, со 1:0, се врати на врвот, откако лидерот ФК Ново Црнилиште беше слободен ова коло. Голот госите го постигнаа во финишот на натпреварот во 88-та минута. Тие заостануваат еден бод но и еден натпревар помалку.
Во локалното дерби во Превалец, ФК Превалец го совлада фенерџијата ФК Илинден БС со 6:0. По ова 17-то коло ФК Превалец се искачи на третото место со 34 бода, четири помалку од лидерот ФК Локомотива. ФК Илинден БС останува последен со шест освоени бодови.
Во следното коло, в недела ФК Локомотива во Градско го пречекува шесто пласираниот ФК Напредок од прилепско Кривогаштани, ФК Превалец гостува во Неготино на ФК Вардар кој е петто пласиран со 31 бод а ФК Илинден во Башино село игра осмо пласираниот ФК Дојранско езеро.
| Tweet |
