Петар Печков

Објавено: четврток, 25 јули 2013 866 298

Велешката полиција ги откри сторителите на разбојништвото кога беа нападнати  група од седуммина африкански илегалци.  А.К. (26 год)  доби притвор од 30 дена, додека В.А. ( 54 год) е во бегство а доколку биде фатен и нему му е одреден мерката притвор, додека С.К. ( 21 год)  како помагател има обврска да се јавува во велешкиот суд. Сите тројца се од Велес.

Двајцата првообвинети во понеделникот вечерта околу 19,30 часот  според нивни информации знаеле дека на селскиот пат Мамутчево – Иванковци ќе има група на илегалци од   Африка, заминале со автомобил ,,матис,, со велешки регистарски таблички, ги нашле како скитаат  во тој непознат крај и ги нападнале. 

При тоа едниот од нив со закана од нож под грло на еден од бегалците  им побарал пари. Преплашените илегалци ги собрале сите пари што ги имаат 1.100 евра  и ги предале на разбојниците по што со автомобилот  избегале. Полицијата вчера ги пронашла, им поднела кривични пријави за разбојништво.