Петар Печков

Објавено: четврток, 03 октомври 2024 100 9

Светската јавност со големо исчекување ја чекаше премиерата на филмот „Џокер – лудило во двојка“ која е закажана за петок вечер аво Велс ќе се прикажува ден претходно. Неуспешниот комичар Артур Флек додека е во болница ја запознава љубовта на својот живот, Харли Квин. По напуштање на болницата, двојката влегува во романтична авантура осудена на пропаст. 

Еден од најголемите режисери во историјата на американската кинематографија, Френсис Форд Копола (трилогија „Кум“, „Прислушување“, „Апокалипса денес“, „Дракула“) го претставува своето ново визионерско ремек дело, научно-фантастичниот спектакл МЕГАЛОПОЛИС, епска римска приказна сместена во модерна Америка. Градот Нов Рим мора да се промени, што предизвикува конфликт меѓу Цезар Катилин, генијален уметник кој бара пат кон утопистичка, идеалистичка иднина, и неговиот ривал, градоначалникот Френклин Цицерон, кој, пак, сака да остане верен на регресивениот статус кво, на вечната алчност, со посебен интерес кон партизанското војување. Помеѓу нив двајца е Јулија Цицеро, ќерката на градоначалникот чија љубов кон Цезар ја раскинува нејзината лојалност кон двајцата, принудувајќи ја самата да открие што навистина заслужува човештвото...

Премиера има и американскиот трилер „Гемијална измама“. Адаптацијата на хит тајландскиот филм Bad Genius од 2017 година (Chalard Games Goeng), е филм за  грабеж со високи влогови, со високи октани за група претприемачки средношколци кои се здружуваат за да го уништат наместениот систем за прием на факултет.  

Анимираниот „200 волк“  е австралиски филм,  кога своеволната желба на Фреди Лупин ќе го трансформира во врколак и ќе наталожи немирна месечина на земјата, Фреди мора да го врати космичкиот поредок пред да се судрат Земјата и Месечината. И тој е премеирно во 3Д киноверзум. 

Анимираниот „Панда во Африка“. За млада авантуристичка панда која патува од Кина во Африка за да го спаси својот најдобар пријател, змејот Џилонг, кој е киднапиран. На своето патување тој открива чуден неверојатен нов свет на планини, пустини и џунгли. 

На репертоарот се враќа анимираниот  „Опако, наопаку“кој изминатиот период беше  на врвот по гледаност во кино салите низ светот и прв филм кој во 2024 заработи повеќе од милијарда долари.  „Опаку, наопаку“ е американски анимиран, семеен филм за сите возрасти, продолжение на  успешниот филм од 2015 година. Направете место за нови емоции со најновиот филм од Дизни! Среќата, тагата, лутината, стравот, гадливоста силно ќе бидат потресени со доаѓањето на тежината, досадата, зависта, срамот.  Филмот е во продукција на Pixar Animation Studija  и Walt Disney.