Петар Печков

Објавено: недела, 22 октомври 2017 946 277

Претставата Филоктет Медеја во продукција на  Народен театар на Западен Казахстан – од  Казахстан е добитник на Гран при наградата за најдобра претстава на  годишниов Фестивал на античка драма ,,Стоби,,.   Жирито во состав Кети Борисовска  -актерка, Дејан Дамјановски режисер и  Ивана Јарчевска – театролог,  за претставата посочија дека  донесе  комплетен впечаток  и многу енергија.  

Понекогаш  за да се случи магија на сцената доволно е да се појават две исклучителни енергии и да го спојат неспоивото, од два различни света да создадат еден. Едно огниште, платно и многу актерска посветеност е  доволно за да се  прескокне замислената рампа кон публиката и сите заедно  да дишат во неповторливиот   акт  на театарот  кој се раѓа пред нашите очи - ја образложи одлуката Дејан  Дамјановски. 

Наградата за најдобра режија ја доби Србинот Никита Миливојевиќ за претставата ,,Перикле,, од Вилијам Шекспир. 
Оваа најмалку посакувана комедија на  Шекспир  не` изгледала поотворена, посоголена и поразиграна. Претстава  во која   сценографијата, костимографијата,  музиката во живо и комплетно актерска екипа делува  како еден  организам, во кој се функционира, во  која се е смислено  до најмал детаљ и  која комуницира со публиката.  Таа донесе многу суптилност, боја и нијанси  на сцената и тоа е заслуга на режисерот – кажа Дамјановски.  

Актерските  награди заминаа  во Казахстан, за женска на Ѓулнур Каирлијаева за Медеја во истоимената претстава и  на  Салаут Туменов  за улогата на Филокет од истата претстава.  Нив им беа врачени статуетките ,,Ангигона,,.

Директорот на ФАД  ,,Стоби,,   е задоволен од тоа што понудија, но не и од посетеноста.  Двете комедии на Шабачки  и Прилепски театар  се играа пред  полна сала, како и вчеравечер, кога  беа доделени наградите а во чест  на наградените во преполната  сала на велешки театар, театар   ,,Комедија,, ја одигра ,,Стјуардеси,,.  

Фестивалот донесе колорит  од естетики и поетики од толкување на античките драмски  форми, нивното современо читање, збирање, толкување – рече Зоран Љутков директор на здружението на граѓани ,,Стоби,, кое е организатор на фестивалот.  

На 16-тото издание беа прикажани 6 претстави од Србија, Бугарија, Казахстан и Македонија,  во натпреварувачка конкуренција и две во придружната програма.   На разделба организатор најави дека по три години играње во  салата на велешки театар, до година се враќаат повторно во античкиот локалитет Стоби,,.  ФАД ,,Стоби,, е финансиран од Општина  Велс и Министерство за култура.