Петар Печков

Објавено: четврток, 24 јуни 2021 641 128

Потпретседателот Владимир Брчков  на прес конференција, најави дека денес претпладне започнаа потковките на велешкиот фудбалски прволигаш Борец. Тој на фудбалерите и стручниот штаб, кој останува непроменет, им посака успешна сезона и добро здравје.  Прв тренер и во новата сезона останува Борче Христов заедно со целиот тим во стручниот штаб, тоа се Марјан Герасимовски, Баже Левков и Зоран Ристевски кој е тренер на голманите.  

Директорот на клубот Драган Јорданов ги објави новите имиња, засилувањата, тоа се:  Енсар Љума од ФК Шкендија, Ристе Каракамишев од ФК Силекс,  Александар Ѓорѓиески од ФК Охрид, голманот Стефан Јакимовски од ФК Кадино и Кристијан Николов од ФК Пелистер.

Договорите ги продолжиле младинскиот репрезентативец до 21 година Лука Трајкоски, потоа велешаните Ѓорѓи Ѓорѓиев, Трајче Трајков,  Филип Манасиевски, Азер Омерагиќ, Филип Ристовски и  Кристијан Ефтимов. Клубот бил и во преговори со неколкумина странски фудбалери, а чии имиња ќе бидат познати по завршувањето на преговорите и потпишувањето на договор.

Управата, тренерот, не го кажаа амбициите на клубот во претстојната сезона и на новинарско прашање Христов рече:

„Сакам да направиме добра атмосфера, добар играчки потенцијал. Во зависност од тоа како ќе се одвиваат работите, ќе ги кажеме и нашите амбиции. Нема да кажам дека сакаме подобар пласман од лани, или да се бориме за опстанок. Да направиме екипа која ќе биде конкурентна во македонскиот фудбал, и може да дојде до резултати кои ќе бидат  задоволителни за ФК Борец“ кажа тренерот  Христов.